منتدى روائع الشعر والأدب العربي: (( أحمر شفايف/ بقلم / محمد العربى ))

أحمر شفايف
أحمر شفايف للحروف
متزوَقه بسن الألم
متلونه و مليانه خوف
متقسمه بحرقه و ندم
أحمر شفايف للكلام
معزوفه من قلب الوجع
مخطوفه من لونى و بشوف
نفسى ف عيون الناس جدع
وانا بتوجع
عاللى اتحرم من فرحته
و اللى اتسجن مع وحدته
على قلب طيب مات شهيد
ذنبه انه بيقول كلمته
أحمر شفايف جوَه منَى
لمَا تاخد حقى منَى
وامَا دمى يفور كانى
بنفجر بركان غضب
بقلمى \ محمد العربى