۩۩ لمراسيل أللفت ۩بقلم۩ ‏ابو محمد الجابري ۩۩

لمراسيل أللفت
ــــــــــــــــــــــــــ

المراسيل أللفن صوبي عصافير 
خيول أمدهمه لربضاتنه
أتغيير
نطرناهه زمان أبليــــل عشــاكَـ
أتهل هلت فجر بأجمل
تباشير 
يا نور العيون أشـــوكت ملفاك
منتظريـــــن جيتك
بالمزاميــــر
ترا ابملكاك والله اتكحـل العين
ويندهني الصبح بآذان
تكبير 
من تجدم حبيـبي أخذ الظنون
بيهن شوف نفسك وابد
لا اتحير
أشرب راح دنك بدد الغيـــــــم
وتيه ابحلم وردي،وشوف
شيصير
ولك هالدنيه صم اتراب بهبوب
شيركد التراب وابد
ما ايطير 
كل وهله تمر تاخذ مـن الحين
وبالنمشي عليها اجسادنا
اتصير 
اجمل شي نحسه ابفــسحة
الكون ، اذا تحظه ابحبيب
من الهوى ايغير 
ترا دنياك مهره اتســابك الريح
نترادف عليها ونمشي
للخير 
ابعد عن خيالك فلســفة ذاك
الكال الدنيه بس مشروع
تكدير 
ما ينعصم بيــها الخالف الذات
والخاين نقصره ابدون
تفكير 
وهذب طبع فكـرك وارحـــــم
الناس وهب صوب 
ليريدك حتى لو
طير

ــــــــــــــــــــــــــــــــــــــــــــــــــــ
الشاعر/ ابو محمد الجابري 
ــــــــــــــــــــــــــــــــــــــــ
26/4/2015م
ــــــــــــــ