كَصدني الآخ
ـــــــــــــــــــــــــــ
كَـصـــدني الآخ ليرافكَـ الآهـــــات
ولفني أهمومي ذنيجه
ألنسني
وعدت لأيامـــي لتوادع
محطـــات
أبهشيل أدموع عيني
الغركَني
تهت من فرحتي لعبرت مسافات
وفراكين الصبـــــــــــر
هالهدهدني
العمر هذا لكيته انكَـضى
ابــونات
وعلي وناتي ردن
عاتبني
جثيرات اليمرن مثـــــل
هبـــــات
لألم منهن لفاني
أودرنـــي
أنسج ثوب الكلب بخيوط
لوعـات
وسهام البعينــــك
مرعــدني
بطران لتصبََ وذبله
جلمــــــــات
حسباله أجر نايل
وأغني
ابهيده يا وكت مصيوب
جيــــلات
ولتمزهد ترا لومه
كتلني
اذا ناوي اذيتــي طلعــت
بدذات
سهم عينك يا ولفي
اللي ذبحني
ألك مخلص انا وأمشيت باعـات
أشلون ابلحظه يا حبيب
بعتني
دمعي ابفعل صـدك غركَ الذات
شربت كاسات ذاتي
وسكرني
ـــــــــــــــــــــــــــــــــــــــــــــــــــــــــــــــــــــــــــــــــــ
الشاعر / ابو محمد الجابري
ـــــــــــــــــــــــــــــــــــــــــ
24/4/2015م
ـــــــــــ
1 شخص تم الوصول إليه
ترويج المنشور
ليست هناك تعليقات:
إرسال تعليق