ضمت ايديها لكتفها وفالت
قتلنى البرد
خلعت جلدى عليها
لجل عزمها ينشد
وجففت خصايل شعرها
بخدى كده عالقد
واخذت راسها على صدرى
علشان ترتاح
وفردت ذراعى وزندى
تنام ويجى صباح
وطول الليل اباشرها
بطرف العين
اخاف النوم يجافيها
ويبعت سهده لعنيها
اقوم بسرعة اغطيها
لما تتقلب
وابص عليها واقول فراشة
مالقتش زهرة تداريها
من برد قاسى
وناس ما بقتش ناس
ولم ظنى يبدا يسوء بيها
روحى تكدب
وطول الليل افكر هاتفطر
ايه
حضرت خير الارض فى دماغى
ولما لاح الفجر
فى لحظة غدر
غافلنى النوم
وسمعت صوت
عصافير بدات تطير
وتصوصو
صحيت وقلت بسم الله
الله واكبر
ببص جنبى مالقتهاش
وعرفت انها من فصيلة
تحب الى ما يريحهاش
ومالقتهاش
=====رمضان على=====
ليست هناك تعليقات:
إرسال تعليق