الصبر مفتاح الفرج بقلمى وليد الصفتى

الصبر مفتاح الفرج بقلمى وليد الصفتى
اهداء لروح الشيخ احمد ياسين
زعيم وقائد حركة حماس الفلسطينية
فى ذكرى وفاتة
رغم الغضب
لصبر مفتاح الفرج
والدم نازف فى العصب
لا تكملى
صوتك ما عدش يهزمنى
فلا تحزن ان عقدنا فى يوم انفراط
رامحة بحصانك فى الغلط
راسمة فى خيالك شئ غلط
صفحة فى نضالك انطوت
يا هل ترى راح ترجعى
ولا الزمام منك فلت
جيل الحجارة اتولد
يا ح تلحقى سير الصفوف
وتبطلى ترمينا خوف
يا ترجعينا وتنكسى الراية
غضب الصغار فى ام الكتاب آية
قارييها حافظينها ما اتعلموا غيرها
يا كل حكام الوطن السكة عارفينها
فلا تعكسوا سير الصفوف وتطفو قناديلها
عتمة الدروب اللى انتوا راسمينها
ما احنا عارفينها
واحنا اللى سالكينها
طرحت فى غزة البشاير
قلبت موازينها
الارض فارت وماجت باللى ساكنينها
حبل البطون بيمدها بجيلها
يفتح كتاب الزمن يتلى يعلمنى
احفر ميعاد اللقا
فى القلب والننى
واللى ماهوش منى
الفين سنة ل قدام
راهن على سنى
لوح دولارك يا عم ساومنى
بيع الوطن ما عدش يخجلنى
الريحة غفن والدم مش دمى
سوق النخاسة ازدحم
يا مين يفاصلنى
اندك تحت القدم
واسجد لقاتلنى
باهت بالون الزمن
ساعة ان تخيرنى
بيع الوطن الثمن
ولا الثمن عمرى
لوح دولارك يا عم وادينى
الارض مش ارضى
وانا مش فلسطينى
فجر الخلاص اندفن
خنقتة بأيديا
موته لتأمينى
هذا نيشان الولاية
زين نياشينى
طرح السكات العدم
واتعلقت الاجراس
خبيت ملامح بشرتى
سطرت فى الكراس
انا مش سليل البشر
ولا خليل الناس
انا ان قبضت الثمن
تحت القدم انداس
واحمل طراق الكفن
اتقدم القوده
توبه يا صاين معدتى
ان قلت فيه عودة
جبتلك معاذ الغلط
يا ابو رايه مفرودة
وكرامة ممدودة
وشعلة موقودة
حنقتنا موجودة
لكنها زارده
فى سنينا السوده
اهداء لروح الشيخ احمد ياسين
زعيم وقائد حركة حماس الفلسطينية
فى ذكرى وفاتة