(( كل عام وانت يا امى قريبة / بقلم / رمضان على ))

=====كل عام وانت يا امى قريبة=====
كل عام وانتى حبيبتى 
كل عام.. وانتى فى جنة طيبه 
كل عام ..وانت يا امى 
نايمة جنبى.. قريبة 
نفسى اشوفك ..نفسى احس 
ان زمانى رجعنى تانى 
وابقى طفل 
نفسى انام ولما اصحى افتح عيونى 
التقيك انتى واخدنى فى حضنك زى زمان
وزراعك بيضمنى وكانه قفل بس بحنان 
نفسى اشوف لون عيونك هما هما 
نفسى ابوسك فى خدودك بحب وهمة 
نفسى اميل وابوس ايديكى 
نفسى اعيش تانى فى عنيكى 
نفسى اشوف ضحكتك
تملى حياتى شعور بالامان 
نفسى ارجع طفل تانى زى زمان 
نفسى اروح مدرستى وارجع 
التقيك مستنيانى 
والملابس فى ايديك بتعيدى رسم 
شكلى تانى 
والطعام خلاص هيبرد وانت قلبك عليا والع 
ولما كنت اتعب وابرد 
والحقيقة الى بيتعب قلبه انت من المواجع
نفسك اشوفك نفسى اقولك انى بحبك حب تانى 
حب غير
نفسى العب حواليكى والهو زى طير
كل عام وانت حبيبتى 
كل عام وانت فى جنة طيبة 
كل عام وانتى يا امى نايمة جنبى قريبة 
=====رمضان على=====