ترضي في كل الناس
و بتعندي عندي..
و تأنبي فيه
لجلك حفرت أساس
شلت الهموم وحدي
طب ليه مجافيه ؟
خدي عملته مداس
و قلت لك عدي
و امشي بحنية
شلتك و فوق الراس
بتخوني ليه عهدي
امتي الملاقية ؟
عملتلك نسناس
الرحمة ما تهدي
ما تقربي شوية
شعري ملي الكراس
و قطفت لك وردي .
و لا حد داري بيه
و انت مفيش احساس
يا شيخة ...اتهدي
سودت لي عنية
هايم غريق محتاس
ومين يا خد يدي
ينقذني من ديه
بعت الهدوم و الفاس
و بقيت و ااه وحدي
منك يا مصرية
ليست هناك تعليقات:
إرسال تعليق