قصيدة من زوج الى كل الزوجات
بقلم خراط الكلمات اشرف رمسيس
انا مش قطة او شنطة
انا النار انا الشطة
انا مش قطنة لجراحك
انا والجرح افراحك
وممكن يوم اداويكى اواسيكى
واشوف فى دموعك الضحكة
اشوف الضحكة فى عنيكى
انا هادى لكن غضبى
دا مش عادى بقول قولى
وللبادى ويسكن قولى
فى عنادى وعن زعلى
بكون راضى اقول عادى
ومش عادى انا نصين
ما بين العقل وفؤادى
قسمتينى يا روح قلبى
وانا راضى
عشان العند يا فؤادى
حسيب حضنك واكون راضى
ولو فكرت اقول صفحة
خلاص عدت بقت ماضى
ولو جاية تصلحينى تراضينى
انا بغفر وبتسامح
قصاد حبك الجامح
ولو فكرانى سى السيد
انا بقولك دا كان هلاس
وكان سكير بلا اخلاص
وشفتى الفيلم زى الناس
انا رجلك انا حكمك كدى وخلاص
ولا بكرباج ولا برصاص
انا حكمى من الاخلاص
لا يوم بصيت من الشباك
على واحدة على الواحدة
دى ماشيه هناك
انا راجل وعالواحدة انا اتحاسب
واكون ربحان واكون كاسب
وعهدى دبلة فى صوباعك
اكون صادق ما اكون كاذب
يا وردة حبى يا هنايه
يا فرحة قلبى وغنايه
انا حكايتك انا حكايه
تعيشى العمر تحكيها
ما تخلص يوم حكايتنا
وضحكايه تخليها ضياء
بهجة فى بيتنا
لا شيطان يقدر يفرقنا
ولو ضلمه اوام حتقيدو شمعتنا
انا ليكى وعلشانك
انا رسمك والوانك
انا يا وردة اوراقك
واغصانك واشواكى بتحميكى
انا جواكى فى عينيكى
يا زارعه من الوداد حبك
انا ميك انا عطشك
وداد حبى بيرويكى
ليست هناك تعليقات:
إرسال تعليق