انا مش أيوب
يابنت الايه ياجنيه
بقالك سنين عايشه فيا
حولت انساكى مابتتنسيش
شوهة صورتك مابتتمحيش
عملتلك زار مابتخرجيش
فماتقوليش انك انسانه عاديه
ياعيشه بروحك جوايا
ومن جسدك بتحرمينى
انا عاشقك كلك على
بعضك وبيصرخ حنينى
عينى مشتاقه لرؤيتك
وحضنى واحشاه ضمتك
ولهيب نارى ماتطفى
إلا فى جنتك يلا تعالى
عيزك فى الحقيقه
مش فى الخيال
عيزك فى حضنى
وانا صاحى ولما انام
عيزك بجسدك
عشان بحبك
وعشان مبقاش
عرضه للحرام
جيبت أخرى خلاص
ياقفله على
نفسك بترباس
عيزك حقيقه
يشوفها الناس
عشان ابتدو يلسنو
عليا بالكلام
ناس بتقول دا
ملوش فى البنات
وناس بتقول دا
مريض وقلبه مات
وناس بتقول دا فلاتى
وماشى فى الحرام
خلص الصبر خلاص
انا مش أيوب
سنين بعدك
سنين كفره عايز أتوب
عايز أكمل بيكى دينى
وأكفر واغسل بيكى
جبل الذنوب
عايز اعوض بيكى
واعيش معاكى
كل حاجه حلوه
اتحرمت منها
عيزك نغشه وروشه
زى اول بنت قلبى حبها
عيزك طهره وعفيفه
بريئة ونضيفه زى
تانى بنت عرفتها
عيزك عكس التالته
دى كانت واطيه
وانا ندمان انى قبلتها
عيزك نسخه طبق الأصل
من ملاك كانت ومازالت
وستظل على عرش قلبى
يارب تكوني زيها
ليست هناك تعليقات:
إرسال تعليق