بحبك حب غير عادي
انا المظلوم و انا الظالم
و انا المؤمن و انا الاثم
و انا الطالب و انا العالم
و انا المجروح و انا السالم
و انا الغرقان في بحر الشوق
و انا العاشق و انا الهايم
و انا اللي قلبي عن غيرك
قفل بابه و بات صايم
و انا حلك و ترحالك
و انا لحنك و موالك
و انا راجلك و ابو عيالك
و انا مملوكك المالك
و انا اللي قلبه مشغولبك
و بيسأل دوم عن حالك
و انا اللي ما عمره يوم ينسى
و لا قلبي في يوم يقسى
و لو قلبك نساني في يوم
اكون العاشق الهالك
و اجيلك تاني و اترجى
و يغفر قلبي و يسامح
ما انا عاشقك و مفتونبك
لبكرة و بعده و البارح
و قلبي عارفه بيحبك
و دايما راضي و مصالح
و من قلبي بقولهالك
بحبك حب مش عادي
كموج البحر متلاطم
كريح عاصف و مش هادي
بحبك حب لو وصفوه
يفوق سرعة شاهين جارح
يفوق قوة حصان جامح
يفوق رقة غزال سارح
يفوق في الحسن كل جميل
يفوق البلبل الصداح
يفوق الزنبق الفواح
يفوق جوري الورود نادي
بحبك ايوة مجنونبك
بحبك حب مش عادي
و لا كان قلبي يوم هادي
من كلمات الشاعر المصري
محــــــــــمد العـــــــــــراقي
في 24 / 9 / 2015 م
ليست هناك تعليقات:
إرسال تعليق