-oo--(( أمسك حرامى الأشعار ))---oo بقلم // علاء شعراوى

---))oo أمسك حرامى الأشعار ))---oo  

** أوعى تسرق أفكاري

أو تجلس يوم ف مكاني **

** حتلاقى نفسك الجاني

وهتزعل  منى ياغالي **

** لأنى موثق أشعاري

وحهاجمك ياسارق وجداني **

** وهخلى البايع والشاري

يعرف إن انت حرامي **

** أحسنلك أقرأوأنساني

وأتعلم تقرأ بأمانه **

** وبلاش تنسخ برزاله

وأختار أفكارك بنقاوه **

** وشغل مخك بمهاره

خد منى الحكمه بهداوه **

** النظم فن وشطاره

أتعب وأسرح بخيالك **

** هتلاقى الفكره جيالك

رتبها وأكتب ما بدالك **

** هتصبح فنان بكلامك

وهتكتب أغاني وأشعار **

** وهتغرق فى بحور الأفكار

وتلعـلع وتصير جبار **

** وتنقش على أى جدار

وأسمك هيكون من نار  **

** و نصحتك لله الغـفار

بس أوعى تبقى حمار **

** وترجع تسرق أشعار

                                                                                            

كتبت هذه الخاطره لأخاطب فيها كل من سولت أو ستسول له نفسه بسرقة أفكار غيره مع أحترامى للجميع