أنت داري .. للشاعر هشام ذياب المصعدي ((أمير الحروف))
قصيدة غنائية نبطية باللهجة الخليجية ..
**********************************
كلمــــــــــــــا أزرع دروبك بالأملْ
تشتكـــــي منــــي وتهرب للزعلْ
تدري هونهـــــــــا ولازم باتهونْ
قرصـــة النحلات لازم للعسـلْ
ناسـي من أجلك سلايا وراحتي
فـي حضوري ليه شاعر بالمللْ
لــــــو أنا عاتبت تشكي حالتكْ
وتدعــي هجــــري بشكٍ مفتعلْ
أمـا لـــــو سامحت قلبي ما يغير
إن بعض الحب فعلاً مُــــــــا قتلْ
حط نفسك بس مرة مطـرحــي
وانت قل لي بعدها أيش العملْ
صـــرت قاتلنــي وقاتل مهجتـي
رغم تقديري لمـــا منك حصلْ
تدري نجمي فـي مدارات الفلكْ
الأسد برجي وتحسبني الحملْ
عهدنا المقطوع مـا هو تسلية
عهدنا واضح ومــا يعرف خجلْ
كـــم براهينٍ أنا لك جبتهـــــــا
وأنت تسألني عن اللي ما وصلْ
هات مــــا عندك وقدم رؤيتكْ
لا تقل لــي إن قصدي ما وصلْ
